PROPOSTAS PARA COCIÑAR CON CONSERVAS

Steak tartar de bonito, gazpacho con bacallau e berberechos ou ameixas con escuma de queixo de burgos, cebola vermella e pan de sésamo son algunhas das receitas recollidas no libro "O mar en conserva", que reúne 20 propostas de grandes cociñeiros nas que o esencial da preparación é saber abrir unha lata.

O aumento nos últimos anos da calidade das conservas de peixe fixo que éstas sexan hoxe un apreciado ingrediente da alta cociña.

"O produto español é de tal calidade que é tan bo fresco coma en lata", explicou a EFE durante a presentación do libro o cociñeiro Paco Roncero (La Terraza del Casino, dúas estrelas Michelin).

Roncero pediu que os consumidores non confundan as conservas de calidade co denostado concepto de "comida rápida", porque "hoxe hai latas que son unha marabilla, un auténtico manxar".

A presentación contou coa presenza da conselleira do Medio Rural e do Mar, Rosa Quintana, que subliñou a competitividade do sector conserveiro galego e a súa importancia económica na comunidade, que representa o 84 % da produción nacional na que xera 12.000 postos de traballo.